Matod ni nanay Rosemarie, inahan ni Jeric (biktima), ug estudyante sa Buhangin Central Elementary School nga pangandoy sa iyang anak nga mahimong magtutudlo gikan sa unang pangandoy niini nga seaman, apan dili na kini mahitabo pa tungod patay na kini human nalumos.
Suma ni nanay Rosemarie, honor student gikan Grade 1 hangtod Grade 6 ang iyang anak, busa naanugunan ang entero pamilya sa pagkamatay ni Jeric.
Nasayran nga migawas sa eskwelahan si Jeric uban sa laing upat ka estudyante aron magdula og basketball adiser sila nangaligo og sapa pasado 1:00 sa hapon gahapon ug pasado 3:00 na sa hapon dihang narekober sa mga rescuers sa sapa ang lawas ni Jeric nga migakos sa lain pang biktima, ug pagka 4:00 sa hapon narekober ang lain pang biktima.
Ang entero pamilya nagkauyon nga dunay lapses ang magtutudlo sa mga bata maingon ang tulunghaan sa rason nga nakagawas ang mga biktima nga mabantayi, diin gisuta sab ni Rosemarie nga naghatag og P5,000 nga cash assistance ang eskwelahan.
Sa usa sa mga rescuers nagbutyag sa news team nga nakadungog ang mga residente sa lugar og giingong barko sa enkanto nga midunggo sa sapa duha ka adlaw una nalumos ang tulo ka Bata kagahapon adlawa, diin kumbinsido ang pamilya ni Jeric nga taw-an ang maong sapa.
Katapusan nalumsan ang sapa sa Sitio Liloan Riverside tulo ka tuig nang nakalabay ug kagahapon nausban ang insidente diin tulo ka kinabuhi sa mga bata ang gilamoy sa maong sapa.
RadyoMaN Joel Viray
