Barko tikang ha China, gintatag-iyahan na han Pilipinas

49

TACLOBAN CITY – Gintatag-iyahan na han National Government an foreign cargo ship nga nag-emergency docking ha kadagatan han Pambujan, Northern Samar dida han Enero.

Ginbayaan han mga crew an vessel Jing Ming No.16 tungod nga bumalik na hira ha ira nasod ini in sumala kan Philippine Coast Guard Eastern Visayas commander Lawrence Roque.

Siring ni Roque, waray na mag-interes an tag-iya han barko nga marecover ini.

An mao nga vessel in nakasanglad na yana ha Cancabato Bay ha Tacloban City.

Igtu-turn over an mao nga barko ha Bureau of Customs, an ahensya nga magdedesisyon kun ano an hihimuon para han barko.

Sumala han report, an vessel in puno han lana o kun oil nga bumiyahe tikang ha China dida han December 12 han nakalabay nga tuig nga tipakadto unta ha Chile.

Nag-emergency docking an vessel tungod han malain nga panahon ara han bagyong Agaton dida han enero 2

An vessel in mayada siyam nga crew, unom nga Chinese National ngan duha nga sailors tikang ha Hongkong ngan usa nga Taiwanese.

Facebook Comments