Davao City – Daling girepondehan sa Coast Guard Station Davao Oriental (CGS DavOr) ang usa ka barko nga misadsad sa baybayon sa Barangay Lavigan, Governor Generoso, Davao Oriental ala 1:00 sa kaadlawon niadtong Mayo 3, 2024.
Uban sa CGS DavOr ang Marine Environmental Protection Unit – Southeastern Mindanao (MEPU-SEM), ilang girespondehan ang usa ka barko o ang MV GY BELLA TRIX nga iya sa GY Shipping Lines Inc. ug gimando ni Captain Enrico B Dagatan Jr.
Sa ilang pag-reponde, nakumpirmang walay natigayong oil spill, apan na-contaminate og tubig sa dagat ang center fuel ug bilges sa barko anaa sa 2500 liters per hour rate.
Gilayon nga nag-montar og 95-meter spill boom aron malikayan ang kadaut, samtang gitakda usab nga inspeksyonan ang panakayan aron maimbestigahan ang insidente.
RadyoMaN Kirby Manzon
Facebook Comments
