Mapasalamaton ang Barra Elementary School pinaagi sa ilang Principal nga si Lyn A. Carpio nga sila ang napili nga venue sa RDRRMC kun asa gihimo 20 s. 2018 ang 2nd Quarter Nationwide Simultaneous Earthquake Drill isip pagsunod sa Memorandum.
Anaa usab ang presensya ni city School Division Superintendent Ma. Liza Tabilon aron sa pagsaksi sa dakong kalihukan may kalabot sa disaster, gawas sa deped opisyal anaa usab ang uban pang kadagkuan sa ahensya sa gobyerno.
Taliwala sa naglagiting nga kainit kagahapong adlawa apan wala kini baliha sa mga kabataan nga magtutungha ug mga magtutudlo nga mo partisipar sa gihimong drill sa CDRRRMO.
Didto ilang gipakita kun unsay angay buhaton kun ugaling maigo sa katalagman sama sa linog ug uban pang dagkong kalamidad dinhi sa atong lugar.
Mismo ang taga CDRRMO, BFP, Red Cross, ug uban pang response team ang mitabang sa maong kalihukan aron mahatagan ug giya sa angay nga pagabuton.
Wala usab nakawang ang gihimo nga drill sa disaster team tungod kay seryoso kasayo ang mga respondent sa pagsunod sa kun unsay mando sa naghimo sa maong aktibidad aron maayo ang resulta sa kalihukan.
Saysay pa sa pipila ka magtutudlo nga misalmot mao kadto ang unang higayon nga sila naka apil sa nationwide drill ug dakong tabang alang kanila tungod kay aduna sila’y nakuha nga dugang kahibalo nga sarang ilang magamit unya kun may mga kalamidad nga moabot dili lamang sa ilang tulunghaan apan bisan pa sa ubang lugar
Bandang 3:00PM kapin kun kulang natapos ang maong drill ug gisundan kini sa lecture para sa dugang teorya may kalabutan sa mga katalagman.
