Davao City – Estriktong i-patuman sa tanang Public Utility Jeepney (PUJ), ang health safety standard alang sa safety sa mga pasahero ug driver ilawom sa General Community Quarantine (GCQ) sa dakbayan sa Davao.
Matud ni Davao City Mayor Sara Duterte, tanang depasaheroang sakyanan kinahanglang adunay harang (barriers) base sa standard nga disensyo sulod sa mga lingkuranan sa mga pasahero aron masunod ang 1 meter physical distancing ug dili magdikit.
“Kung mudagan ang jeep nga wala niya nataod ang iyang mga barriers and walay distancing ang mga tawo didto dili gyod siya pwede mudagan. So pahunongon siya, panaugon ang mga tawo and then pabalikon ang jeep until ma comply niya ang barriers.”
Gibutyag sa Mayor, wala na gi-require ang mga drivers nga mokaha pa og permit sa Land Transportantion Franchising and Regulatory Board (LTFRB) alang niini tungod kay sa matag-checkpoint susihon kini sa mga awtoridad kung natuman ba ang physical distancing sa mga jeep diha sa kadalanan.
RadyoMaN Aimee Guinita
