Gipahimangnuan ni Police Major Teresita Gaspan, DCPO spokesperson ang tanang business establishments ug bars nga istriktong ipatuman sa ilang mga customers ang mga health protocols kontra COVID-19.
Gibutyag ni Gaspan, nga na-isyuhan og citation ticket ang usa ka restobar sa Illustre tungod sa mass gathering ug wala na matuman ang social distancing sa lugar.
Sumala ni Gaspan, responsibilidad gayod sa mga business owners ang pagseguro nga natuman sulod sa ilang mga restobars ang mga protocols aron mapugngan ang pagkuyanap sa COVID-19.
Gi-intensify sa DCPO ang pagpatrolya ug pag-inspeksyon sa tanang identified establishments dinhi sa syudad ilabina sa pagluag sa restrictions ug pagtugot sa pagsilbi og mga alcoholic beverages sa mga customers.
RadyoMaN Aimee Guinita
