Himas rehas karon ang usa ka lalaki kinsa nang harvest matod pa sa bunga sa lubi nga dili iyaha, didto sa may brgy. Matam, lungsod sa Katipunan, ning probinsya sa Zamboanga del norte sa miaging adlaw.
Naila ang gipasanginlan nga si Renato Gumial Pata, residente sa nahisgutan nga barangay. Matod pa ang person of interest gikatahong misaka ug nang harvest sa mga tinanom nga punoan sa lubi, didto sa yuta nila ni Nilo Taclap Reinante, taga brgy. Dos, katipunan, bisan paman wala nasayod ang tag-iya niini ug wala gitugotan.
Halos tulo ka adlaw nga gipang harvest ni Renato ang bunga sa lubi. Gani wala man unta problema sa tag-iya apan nag abuso na kini human tulo ka adlaw ang iyang pagpanguha bisan walay pagtugot.
Una na kining gikataho ngadto sa barangay tanod may kalabot sa maong insidente apan wala kini giaksyon sa tanod tungod sa kahadlok nga ilado kining barumbado sa ilang dapit.
Gibana-bana 50 ka punoan sa lubi ang gisaka ug gibana-bana nga mo halin kini ug P10,000mil.
Sa pagkakaron pormal na kining napasakaan ug kaso ngadto sa korte.
