Nangin masandukot ang hampang sa tunga sang VWRAA kag NCR sa katapusan nga hampang sa elemination sang Baseball Boys Elementary sa nagapadayon nga 2018 Palarong Pambansa sa Vigan, Ilocos Sur.
Sa score nga 18-10 ginlampaso sang Western Visayas ang NCR para maka sulod na sa Cross-Over Quarter-Finals matapos ila makuha ang 2-1 win-loss record sa Team Standing.
Sa nahibalu-an una nga nalutos ang WV sa Soccksargen apang naka bawi naman batuk sa Ilocos Region kag NCR.
Sa quarter-finals mangin kasumpong sang Western Visayas ang Region 10 ukon Nothern Mindanao Region ukon NMRAA sa Abril 19 las 7 ang takna sang aga.
Ang Western Visayas Little League Baseball Team ang gina bug-usan sang mga players halin sa banwa sang Anilao, Iloilo. Ang coach amu si Mr. Benjie Bandada kag Asst. Coach amu si Leopoldo Fugio.
Samtang all out naman ang suporta ni Mayor Nathalie Ann Debuque sang Anilao sa mga players kon sa diin personal ini nga nagalantaw sa mga hampang sa Ilocos Sur.|EJAP
(C) Lyka Debuque Gelles
