Davao City – Bililhon kung adunay kahibalo sa basic nga self-defense partikular na ang mga kababaenhan aron madepensaan ang kaugalingon batok sa mga dautang mga tawo.
Sumala pa ni Marlon Cruzpero o Coach Mac usa ka self defense instructor pinaka-basic tips aron dili mabiktima sa mga rape incidents o tulis likayan nga muagi sa mga ngitngit nga dalan, mag-igmat ug dili magkumpyansa sa palibot.
Apan kung mamatikdan na nimong anaa na sa peligro ang imuhang kinabuhi diha na usab kinahanglang musukol ug isaulo nga ang imong main objective mao ang makadagan o makaikyas.
Matud ni Coach Mac bisan unsang butang nga naa sa imong lawas mamahimo nimong weapon kontra sa attacker o kung wala, timan-i lang ang mga vital o key points nga imong ig-on ang mata, ilong, tutunlan, groin o kinatawo sa lalaki nga attacker.
Kung anaa ka sa sitwasyon nga gihold-up ka ug gitiunan ka’g kutsilyo i-prioritized ang safety og itunol nalang ang imong cellphone o gamit ngadto sa attacker.
Dugang pa niini nga manawag sa mga pamilya o rescue kung namatikdan na nimo nga dili ka luwas sa usa ka lugar.
RadyoMaN Aimee Guinita
