Inilunsad ng Pangasinan Polytechnic College sa pamamagitan ng Center for Lifelong Learning (PPC-CELL) ang isang micro-credential course para sa Basic English at Filipino Sign Language bilang bahagi ng mga programang pang-edukasyon na naglalayong palawakin ang kaalaman sa inklusibong komunikasyon.
Tinawag na “Learn to Sign,” ang kurso ay dinisenyo upang bigyan ng panimulang kasanayan sa sign language ang mga estudyante at mga kawani ng pamahalaan, lalo na sa pakikipag-ugnayan sa mga taong may kapansanan sa pandinig.
Ayon sa mga tagapagpatupad ng programa, layunin nitong madagdagan ang bilang ng mga indibidwal na may kakayahang gumamit ng sign language sa mga paaralan at tanggapan ng gobyerno, upang maging mas bukas at madaling lapitan ang mga serbisyo para sa lahat.
Ang nasabing inisyatiba ay isinagawa sa koordinasyon ng PPC at ng Provincial Social Welfare and Development Office–Persons with Disability Affairs Office (PSWD-PDAO), bilang bahagi ng mga hakbang para sa mas inklusibong edukasyon at serbisyong panlipunan sa lalawigan. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
