Basketball player nga naangol sa komosyon sa Brgy. Maa mopasaka og kaso

Davao City – Pursigido nga mopasaka og kaso ang usa ka basketball player nga si Mr. Albarasin, 25 anyos, human na-angol sa nahitabong kagubot atol sa SK Linggo ng Kabataan sa Escoda Gym, Brgy. Maa, Davao City niadtong Agusto 21, 2023 sa gabii.

Sa interview sa DXDC RMN Davao kang Brgy. Maa kapitan Pacito Cañete gisulti niya, mipatim-aw mismo ang complainant sa iyang Barangay nga si Mr. Albarasin ug iyang gireklamo ang midagmal kaniya nga si Abdul Rahad Pinto nga dayo lamang nga taga-Boulevard, Davao City.

Segun ni Cañete, karong adlawa August 23, 2023 ang schedule unta sa ilang mediation sa Barangay Hall, apan nakadawat siya og tawag gikan kang PMaj Ma.Teresita Gaspan nga i-diretso na pag-file ang kaso ug ang pulis na ang mopasaka sa kasong serious physical injury batok sa suspect.

Gi-angkon ni Kapitan Cañete, wala sila naka-request og pulis og wala nag-coordinate sa awtoridad ang ilang Barangay SK Chairman nga maoy nagpasiugda sa maong programa, apan adunay mga Barangay tanod nga nagbantay sa maong aktibidad.

RadyoMaN Don Pulayao