Davao City – Dili pa klaro alang kang Davao City Acting Mayor Sebastian Duterte kung makaadto ba siya pagbalik sa The Hague, Netherlands karong umaabot nga Setyembre 23, 2025, alang sa Confirmation of Charges sa International Criminal Court (ICC) batok sa iyang amahan nga si Kanhi Presidente Rodrigo Duterte.
Matod ni Acting Mayor Duterte, adunay posibilidad nga muadto siya, apan wala pa kini kumpirmado tungod kay aduna pa siyay mga giatiman nga responsibilidad sa Dakbayan sa Davao.
Apan, iyang gipasabot nga kon mahinayon ang iyang pag-adto, dalaon usab niya ang iyang mga anak aron malipay usab ang iyang amahan.
Sa miaging pahayag, giingon sa Acting Mayor nga nagalaom siya nga makauli pa sa Davao City ang iyang amahan, ug dili angay kalimtan ang mga nahimo niini para sa katawhan.
Gisuta nga nakatakda ang Confirmation of Charges hearing sa ICC batok kang Kanhi Presidente Duterte karong Setyembre 23, 2025, tungod sa mga giakusar nga kaso batok kaniya may kalabot sa gipatuman nga war on drugs sa iyang administrasyon.
RadyoMaN Bien Abanos
Facebook Comments
