Davao City – Dili lamang LGU-Davao angay pasidunggan diha sa kalampusan sa usa ka bulang pagsaulog sa ika-34th Kadayawan Festival.
Segun ni Acting Davao City Mayor Sebastian Duterte, daku usab ang natampo nga kontribusyon sa publiko diha sa malinawon ug mabulokon nga selebrasyong Dabawnon.
Gigraduhan sa bise alkalde ang Kadayawan 2019 og ‘Perfect 10’ nga maoy pinakataas nga grado.
Sa pikas bahin, gibutyag karon ni City Tourism Officer Generose Tecson nga daku ang posibilidad nga himoon gihapong usa ka bulan ang mga events sa Kadayawan sunod tuig tungod sa positibong resulta niini sa turismo sa Davao.
Pursigido usab si ‘Pamulak ug Pitik sa Kadayawan’ event chair Wadab Babao nga awhagon ang lokal nga panggamhanan nga mas padak-an pa ang premyo sa sunod tuig niining talagsaon ug kulba-hinam nga selebrasyon sa grasya ug abundansya.
RadyoMaN Aimee Guinita
