Davao City – Gipanguluhan ni Acting Mayor Sebastian Baste Duterte ang send-off ceremony sa libuan ka mga security forces nga maoy mubantay sa seguridad sa Kadayawan 2019.
Gipunto ni Duterte ngadto sa mga law enforcement units nga ipatuman sa tanan ang balaod ug walay exemption niini.
Pahimangno ni Duterte sa mga musalmot sa mga kalingawan sa Kadayawan nga iobserba ang mga landmark ordinance sama sa 19th year Anti-Smoking Ordinance sa mga pampublikong mga lugar dinhi sa syudad.
Gitin-aw sa acting-mayor nga ang ‘No Jacket Policy’ atol sa inspeksyon lamang kini.
Hugot usab ipatuman ang ‘No Backpack Policy’ sa syudad matud niiini kay posible kining mabutangan og mga eskplosibo.
Samtang giimbitahan ni Duterte ang tanang mga spectators gawas ug sulod sa Davao nga makisadya ug musalmot sa tanang mga aktibidad sa Kadayawan.
RadyoMaN Aimee Guinita
