Matud pa, magamit ang maong mga ekipo alang sa Composting Facility for Biodegradable Waste (CFBW) nga igatukod sa 14 ka asosasyon sa probinsya. Tumong sa proyekto nga mapahimuslan ang biodegradable waste aron mahimong organic fertilizer ug soil conditioner, nga makatabang sa lig-on nga waste management ug mosuporta sa sustainable agriculture sa lugar.
Sa mensahe ni Governor Raul Mabanglo, nga gipresenta pinaagi ni Provincial Administrator Ivan Kleb Ulgasan, giingon nga ang mga ekipo adunay dakong papel sa pagpalambo sa agrikultura ug makapamenos sa basura sa probinsya.
Sumala sa impormasyon, matag set nagkantidad og ₱945,000 ug naglakip sa rotary composter, shredding machine, compost tea brewer, compost siever, ug compost presser. Human sa turn-over ceremony, gipahigayon usab ang hands-on training sa operasyon ug maintenance aron masiguro nga magamit kini sa husto.
RadyoMaN Kareen Beltran
