[image: IFM 919 Logo (1).jpg]
GIKALIPAY gayud sa mga tindero ug tindera sa Gensan Public Market ang pagkuha sa mga basura nga anaa nagtapok kilid sa dalan kon asa duol nagpwesto ang baligyang gulay, prutas ug sud-an.
Kahibaluan nga kining mga basura nga nagtapok gikan pa niadtong bag-ong tuig, kon asa dagsa ang mga negosyante apan mas midagsa ug naghuot sulod sa palengke tungod sa mga consumers.
Gikaproblema sa mga anaa duol sa nagtapok nga basura ang baho, mga langaw, ug labi nilang gikabalak-an ang ilahang tinda ug ilang panglawas.
Sumala kang Waste Management Office Head Nonoy Pareja, nga ila gilayong giasikaso ang maong reklamo ug ilang gipalambo pa ang mga solid waste management facilities sa public market.
Disiplina matud pa ang kinahanglan sa tanan nga anaa sa palengke ilabi na sa mga consumers, nga ibutang sa basurahan ang tanang mga basura gikan sa ilahang tinda, gipalit, ug mga used ug recycled materials ug dili kini itapok miskang asa lamang.
