Bata ginhangkat sumbaganay, nahulog sa bisiklita patay sang naigo ang ulo sa baldusa

1072

MANAPLA, NEGROS OCCIDENTAL – Patay ang isa ka menor de edad matapos aksidente ini nga natumba sang ini ang ginhangkat sumbaganay sang kaangay man niya nga menor de edad sadtong Miyerkules, January 2 sang hapon sa banwa sang Manapla.

Ang biktima isa ka 11 anyos nga bata nga lalaki samtang ang naghangkat naman sa iya amo ang isa ka 10-anyos nga bata nga lalaki, lunsay pumuluyo sang Brgy. 1-A banwa sang Manapla.


Suno sa imbestigasyon, ang biktima nagasakay sa iya bisekleta sa basketball court sang ila lugar sang ini ang ginbanggaan sang suspek kag ginhangkat nga mag-sumbaganay.

Apang, aksidente nga natumba ang biktima kag na-bagok gid ang iya ulo matapos ini ang naka-bunggo sa baldusa sang amo nga basketball court.

Una gindasla sa Manapla Health Center apang ginsaylo man sa St. Anne’s Hospital sa Cadiz City kon diin didto ini gin-declare dead on arrival.

Sa karon ang 10-anyos nga bata nga lalaki ang yara sa custody sang Manapla DSWD./dyHB BACOLOD

Facebook Comments

From Advertisers