Possible ay entra na un areglo el familia del bata mujer quien ya muri na accidente vejicular y el soldao, tsuper del truck quien ya puede hace ipit con el victima na Sitio Agrarian, Patalon del Domingo mediodia.
El incidente ya sosede serca man 12 del mediodia cuando el KM450 truck de Army ta maneja si Cpl. Arnaldo Perocho Lusaya, Jr., quien accidentalmente ya puede hace ipit con Asmida Salud y Intol, 9, del mecionao lugar.
Con el victima ta lleva na hospital pero ya declara con este dead on arrival el doctor.
Base na report del pulis, el truck encamino para na Labuan pasando na Sitio Agrarian na Patalon cuando derepente ya lang ya travesa el bata na calsada.
Si Lusaya ya rendi na pulis despues del incidente.
Pero asegun possible ay entra na un areglo ambos el soldao y el maga familia del bata.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
