Davao City – Patay nang nakit-an ang 9 anyos nga batang babayi nga giilang alias “Ashley” human gitohoang nalumos.
Subay sa pasiunang inpormasyon, nahulog matud pa ang biktima sa sapa kagahapon ( Biyernes May 7, 2021) sa Sitio Dipag, Barangay Manuel Guianga, Tugbok District , syudad sa Davao sa dihang gipangita apan wala na makita. Pipila ka oras ang milabay nakaplagan na lamang kining wala nay kinabuhi. Kusog ang bul-og sa tubig niadtong higayona tungod usab sa kusog nga ulan nga nasi atian sa maong lugar.
Kahinumduman sa nakalabay’ng tuig, usa usab ka batang lalaki ang naanod sa dakong kanal sa Purok Balintong sa maong Barangay sa dihang naligo sa ulan naanod ug nalumos nga miresulta sa kamatayon.
Kapolisan sa Tugbok nagpahimangno sa mga ginikanan ilabina sa taas nga bahin sa maong lugar nga dili pasagdan nga maligo sa ulan ang mga bata tungod kay kusog ang bul-og (current) sa tubig padulong sa ubos nga bahin panahon sa kusog ang ulan.
RadyoMaN Paul Canono
