SILAY CITY, NEGROS OCCIDENTAL – (2nd Update) Gin-ako sang suspek nga nakapatay sang iya kaugalingon nga amay nga nabilanggo na ini sadto sa Muntinlupa bangud may kaso gali ini nga murder.
Sa interview sang DYHB, ginpahayag sang suspek nga si Ryan Tormes, 36 anyos ang edad, residente sang Had. Carmel, Brgy. E Lopez, Silay City nga tuig 2011 sang ini siya nag nahilway halin sa pagkabilanggo sa Muntinlupa Bilibid Prisons bangud nga may napatay na ini sadto.
Si Tormes karon naka detained karon sa Silay PNP custodial facility matapos nga iya sini ginbuno kag napatay ang iya kaugalingon nga amay nga nakilala naman kay Ricky Tormes, 58 anyos ang edad.
Nahibaluan nga ang nagsupot nga kainit, kaugot kag pagdumot ang ginalantaw nga rason kon ngaa nahimo ni Ryan nga patyon ang iya amay sadtong Domingo, pasado las 11 sang gab-i.
Base sa panaysayon sang suspek, ini siya ang may dumot sa iya amay bangud nga sang ini sila ang gagmay pa sang iya mga utod, masami sila nga ginasakit sang ila amay ilabi na gid kon ini ang hubog.
Isa pa sa gindumot ni Ryan amo nga nakita gid niya sini kon paano ginlampusan sang buka nga banga ang ila iloy kon sa diin amo man ang rason sang kamatayon sini.
Angut sini, ginapahayag ni Silay City PNP chief Police C/Insp. Noel Polines nga kaso parricide ang natalana nila nga iga inquest sini nga adlaw. /dyHB BACOLOD
