Bata nga nagpatay sa iya amay, naglabo sa iya iloy nadakpan, natiruhan pa sang utod

SALVADOR BENEDICTO, NEGROS OCCIDENTAL – Natiruhan sang utod ang iya man lamang utod nga may diperensya sa pamensaron nga amo naman ang suspek nga nagpatay sa iya amay pinaagi sa paglabo sini kag pagkasamad sang iya iloy sa banwa sang Salvador Benedicto sadtong nagligad nga Martes.

Ini siya ginkilala kay Helardo ‘Junjun’ Benarao Jr., 36 anyos ang edad kag residente sang Sitio Kinabong 3, Igmayaan, Don Salvador Benedicto.

Suno sa mga utoridad, las 2 kahapon sang hapon sa amo nga lugar, gintiro sang iya utod si Junjun bangud sa kaakig sa iya ginhimo nga pag-labo patay sa iya amay kag pagkasamad sang iya iloy.


Madumduman nga sadtong Martes, Pebrero 12, may mga las onse sang gab-i, naglalisay si Junjun kag ang iya amay nga si Helardo Sr., 55 anyos, gani nagpatunga ang iya iloy nga nakilala naman kay Cenona Benarao, 58 anyos.

Apang ini sila ang lunsay ginpanglabo sang suspek kon diin ang amay nag-angkon sang fatal nga igo sa iya ulo kag napatay on the spot, samtang ang iloy naman naigo sa iya guya.

Ginpahayag sang pulis nga matapos napatay ni Junjun ang iya amay, ginputos pa niya ini sa banig kag gin-sunog.

Pahayag sang pulis nga ini ang motibo kon ngaa gintiro man si Junjun sang iya utod kahapon kag naigo sa iya tuo nga kilid kag padayon ginabulong sa CLMMRH./dyHB BACOLOD

Facebook Comments