Davao City – Gihuptan na karon sa kapolisan sa Sta. Ana ang usa ka lalaki human nagbomb joke alas 6:16 kagabii sa Roxas Night Market, Padre Faura Roxas Avenue sa dakbayan sa Davao.
Subay sa report sa Sta. Ana Police Station naila ang suspek usa ka Ariel Antonio, 21 anyos, ulitawo ug residente sa Artiaga St. Barangay 33-D ning syudad.
Matud pa samtang naglusad og Operation Kapkap ug pag-inspection sa mga bagahe ang kapulisan, kalit miingon ang suspek nga adunay sulod bomba iyang bag hinungdan naalarma ang police auxiliary dayon gi-hold ug gikompiska ang bag sa ang maong suspek.
Human sa paghiling sa team sa Explosive Ordinance Disposal Unit (EODU), nasuta nga walay bomba ang maong bag hinungdang giaresto si Antonio ug giendosar sa kapolisan sa Sta. Ana PNP.
Ang suspetsado mag atubang og kasong Alarm and Scandal in Connection of Bomb Joke.
RadyoMaN Don Pulayao
