Batan-on gidunggab, Kritikal

General Santos City—kritikal ang kondisyon sa usa ka batan-on human kining gidunggab sa grupo sa mga batan-on nga gituohang miyembro sa BATANG SUKARAP sa may Prk. Marayat, Puting Bato, Barangay Calumpang, General santos City.

Ang biktima nailhang si Jophet Yangyang, residenti sa Zone 1, Barangay Bula Gensan.

Alas 9:00 ang takna sa gabie niadtong nakalabayng adlaw samtang naglingkod ang nasampit nga biktima sa Waiting Shed nga nahimutang sa Prk Marayat, Barangay Calumpang, kalit kining giduol sa grupo sa mga batan-on dayon gidunggab pila ka higayon sa iyang lawas.


Paspas nga misibat ang mga suspek samtang ang biktima gidala gilayon sa ospital ug kasamtangan karon nga anaa sa kritikal nga kondisyon gumikan na usab sa ubay-ubayng samad dinunggaban sa nagkandaiyang parti sa kalawasan niini.

Sa kasamtangan naghimo nag makuting imbistigasyon ang Police Station 5 kalabutan sa insidenti.

Facebook Comments