Davao City – Daling gidala sa balay tambalanan ang usa ka lalaki nga giluba sa wala pa masayri nga suspek.
Ang biktima mao si Kenneth Lumocso, 20 anyos ug nagpuyo sa Bolton Relocation Doña Pilar ning syudad.
Upat ka samad sa likod ug braso ang nahiagoman ni Kenneth human dunggaba sa wala mailhi nga suspek samtang mupauli na unta kini alas 2:30 kaganing kadlawon.
Matud sa amahan nga si Nestor nga wala pa mahitabo ang krimen nag-inom pa sila sa iyang anak nga si Kenneth sa balay sa iyang pag-umangkon apan nakahukom kini nga mu-uli una sa iyang anak kagabii.
Samtang nagbaktas ang biktima sa lugar kalit kini gibabagan sa misteryosong suspek ug walay daghang istorya giluba sa maka-upat ka higayon si Kenneth.
Sa pagkakaron padayong nagpaalim sa samad dinunggaban si Kenneth sa Southern Philippines Medical Center.
RadyoMaN Joel Viray
