Davao City – Dead on Arrival na nga gidala sa Southern Philippines Medical Center ang 19 anyos nga batan-ong babaye human pusila sa wala mailhing armado.
Unom ka bala ang mikutlo sa kinabuhi ni Patricia Polgarinas nga nagpuyo sa Isla Bolton ning dakbayan.
Samtang nagbaktas ang biktima uban sa iyang mga barkada kalit lang mibutho ang usa ka armado ug gipuntarya og pusil si Patricia.
Upat ka samad pinusilan sa dughan, usa sa kamot ug usa sa kilid ang nahiagoman sa biktima.
Human sa pagpamusil yano ra sab misibat ang mamumuno palayo sa lugar.
Daling gidala paingon sa SPMC si Patricia apan sa dalan pa lang nawad-an na og kinabuhi ang maong biktima.
Ang mga barkada ni Patricia nagsulti nga posibleng gipatira sa tirador ang ilang higala human gipasaninglan kini nga maoy nagkuha sa 10 mil pesos.
RadyoMaN Joel Viray
