Sa interbyu sa DXDC RMN Davao Police Lieutenant Colonel Adelon Caacbay, Chief of Police sa Panabo City Police Station, giila niini ang biktima nga si alyas Dagol, 17 anyos, out-of-school youth, construction worker ug residente sa nahisgutang lugar.
Nasayrang aduna usa ka kauban ang suspek nga namusil nga maoy nagmaneho sa motor nga ilang gigamit sa pagsibat human sa insidente.
Sa inisyal nga imbestigasyon, personal nga bangi ang motibo sa pagpamusil ug aduna nay person of interest ang kapulisan.
“Posibleng kakilala niya (ang suspek). Kasi binuksan man niya yung pinto nung tinawag yung pangalan nya. Nung pagbukas ng pinto, sinabihan sya, ‘May kasalanan ka sa amin.’ Pinagbabaril na sya,” saysay ni Caacbay.
Narekober sa crime scene ang walo ka basiyo sa mga bala sa gituohang 9mm nga pistola.
Sa pagkakaron, ginapaabot na lamang sa kapulisan nga makarekober sa hingpit ang biktima aron nga kini mahinabi alang sa dugang imbestigasyon.
RadyoMaN Kirby Manzon
