Sa report sa ospital, usa ka 19 nga lalaki nga taga Magangit, New Bataan, Davao de Oro ang misulod agi sa exit door sa ospital ug miadto sa ward sa mga pasyente ug gipang-fast drip o gipaspasan og patulo ang mga dextrose sa tulo (3) ka mga pasyente. Midagan kini apan nadakpan sa mga staff sa ospital.
Sa interview sa DXDC RMN Davao kang PMSg. Silvestre Cañete, imbestigador sa Nabunturan Municipal Police Station, iyang gisaysay nga nagapanguha matud pa og gamit ang batan-on ug posibleng na-tripan lang niini ang dextrose sa mga pasyente. Nasayrang kanhi na nahimong watcher ang batan-on sa maong ospital rason nga kini nasweto usab sa establisemento.
“Among nakita nga nagapanghilabot siya’g mga cellphone, mga kwarta, pitaka. Hilabtonon ‘to nga bata. Mura’g naay something wrong kay dili pud sya tarong mutubag,” saysay ni Cañete.
Sa pagkakaron, gipahugtan pa sa ospital ang seguridad gawas ug sulod sa ilang area of responsibility aron malikay sa peligro ang mga pasyente ug ilang mga kliyente.
RadyoMaN Kirby Manzon
