Sa interview sa DXDC RMN Davao kang Abe Salazar, personahe sa Mati City Police Station, iyang giila ang biktima nga si Kenshi Etorma, 19 anyos, college student nga taga Barangay Don Salvador Lopez, Mati City.
Matud sa pulis, niadto pang Sabado, January 27, 2024 sa dihang nilakaw ang batan-on ug giingong nakig-inom uban ang barkada ayha nahitabo ang insidente o tulo ka adlaw kining na-missing. Matud sa pulis nga posibleng ang head injury ang gikamatay sa biktima.
“Sa inisyal nga imbestigation, gikan daw to nag-inom (ang biktima) with barkada daw. Tapos pag-uli niya, na-semplang sya sa (dalan) sa Bitan-agan,” saysay sa pulis.
Samtang, adunay mga kaila sa batan-on nga dili kumbinsido nga self-accident ang nahitabo ug posibleng dunay foul play ang insidente, ug kini karon ang ginapalawman pa sa imbestigasyon sa otoridad.
RadyoMaN Kirby Manzon
