Batan-on nga gituohang nalumos ug na-missing sa Samal, padayong gipangita

Davao City – Nanghinaut ang kabanay ug kaila sa lalaking nanagat nga makit-an na kini human siya na-missing sa kadagatan sa Barangay Cogon, Talicud Island, Kaputian District, Island Garden City of Samal (IGaCoS).

Sa interview sa DXDC RMN Davao sa Coast Guard Station IGaCoS, giila ang lalaki nga si Nover Jay Motalib, 18 anyos, residente sa Sitio Carsada, Brgy. Cogon, Talicud Island.

Sa imbestigasyon, nanagat ang batan-on uban ang iyahang amahan alas 5:00 sa buntag, October 8, 2024, apan wala na kini nakatunga human nga nilangoy siya palayo sa ilang panakayan. Giingong dunay gihambin nga medical condition ang batan-on.

“Nanagat sila mag-ama. Nag-swim sya palayo sa bangka. Ang pinaka-cause daw dito ay ang health condition, itong hypocalcemia kaya nalunod sya, na-drown,” sulti sa Coast Guard personnel.

Nagpadayon sab karon ang under water rescue sa Coast Guard aron makita ang batan-on. Samtang, giabisohan sab sa Coast Guard ang mga barko ug uban pang panakayang pandagat sa maong vicinity nga tabangan ugaling makita ang maong lalaki ug dal-on sa pinakaduol nga Coast Guard Station/Sub Station.

RadyoMaN Kirby Manzon