Batan-on patay sa disgrasya sa may Sitio Panubigon , brgy. Lipata!

Dead on the spot an isa ka John Bual,15 anyos na taga brgy.Luna inin syudad human mibangga an ija tagmanehoan na motorsiklo, Yamaha Mio kagaina sajo sa kaadlawon o alas 4:30 an oras.Sa imbestigasyon nan mga otoridad base sa pamahayag nan mga kaibanan ni Bual na angkas isab sa biktima na gikan sila sa Brgy. Mabua pasingod sa syudad og kusog an pagpadyagan sa biktima sa sakyanan sanan pag abot sa kurbadahon na bahin sa highway nan sitio Panubigon, ini nawad an nan kontrol og kalit na mibangga sa concrete barrier hinungdan sa ija kalit na kamatayon.An duha ka mga angkas na sila si Joy Lago sanan Shean Salino an tagdali isab pagdaya sa ospital.Kon kahinumdoman na an amo na dayan isab na nagsumpay gikan sa brgy Sabang og brgy Lipata tagtawag sa mga residente na “killer road” tungod sa daghan na mga disgrasya na gikamatay sa mga biktima.(RadyoMaN Jerson Fuentes)

Facebook Comments