Polomolok, South Cotabato— Patay ang usa ka alyas Jan-Jan nga residnete sa Polomolok, South Cotabato human matud pa kining misukol sa kapulisan atol sa gipahigayon pursuit operation alas 12 ang takna sa tungang gabii.
Sumala kang Police Senior Inspector Hernan Gabat, ang deputy station commander sa polomolok pnp nga nakadawat sila ug report nga adunay gikulata nga sikad driver rason nga ilaha kining girespondihan.
Una matud pa nga nagpabuto ang suspek rason nga mibalos ang otoridad nga miresulta sa kamatayon sa nahisgutan human kining maigho sa dughan.
Paspas man usab nga misibat ang duha pa ka mga kaubanan niini rason nga wala na maabtan sa kapulisan.
Basi sa inisyal nga pagsuta, lambigit sa managlahing aktibidad ang suspek sama sa pagpangawat ingon man kanhi na kining natokhang sa kapulisan ug nagsurface na usab kini kanila. Apan nagpadayon gihapon sa illegal nga binuhatan.
Pamahayag sa amahan niini nga usa ka buutan nga bata ang iyahang anak kaniadto, apan nahimong nagbag-o dihang masayran nga dili siya tinuod nga anak.
Nagdumili na usba sila nga pa-imbestigahan ang kamatayon niini gumikan sa daghan pang mga problema nga ilahang giatubang.
