Batan-ong kanuhaan ug shabu, marijuana ug pusil atol sa raid, gikasuhan na

10

General Santos City—Gikasuhan na ang suspek nga nasikop sa gipahigayong search warrant Operation sa Police Station 4 nga si Von Bryan Cabataña, 25, residenti sa Zone 25, Botanic Compound Yumang St. Barangay City Heights, Gensan.
Sumala pa ni PO1 Rogelio Caparoso, ang imbistigador sa Police Station 6 nga gipahigayon ang operasyon alas 4:35 ang takna sa buntag sa mismong panimalay sa suspect pina sikad sa search warrant nga pinirmahan ni Hon. Judge Panambulan Mimbisa.

Nakuha matud pa sa kwarto sa suspect ang 8 ka mga sachet sa gikatahapang shabu, usa ka pakete sa pina-ugang dahon sa marijuana ug usa ka unit sa 38 rovolver nga dunay 3 ka mga buhing bala.

Dugang pa ni po1 caparoso nga ang nasangpit nga suspect ang lakip sa watchlist sa police station 4 nga nagalambigit sa iligal nga gimbuhaton.

Kasong kalapasan sa RA 9165, sec 11 sa article 2 ug RA 10591 ang gipasang-at sa kapulisan batok sa suspek. (Dave Silagan)

Facebook Comments