GENERAL SANTOS CITY – Padayong giila sa Pendatun Police Station ang mga batan-ong snatcher nga nakabiktima og babayeng factory worker sayo sa buntag adlawng Byernes human ilang gilabni ang shoulder bag nga nakasab-it sa abaga sa biktima.
Giila ang nabiktima sa mga suspek nga si Mieha Zambra hamtong ang edad og residente sa Purok 6 Lanton Apopong nga nagbaktas lamang kini sa may Bulaong Avenue Barangay Dadiangas North samtang naghulat nga may mag-agi nga pasaheroang sakyanan pauli sa ilang panimalay.
Nakuratan ang biktima dihang nikalit og sulpot ang tulo ka mga batan-ong suspek sakay og motorsiklo dayon bira sa sling bag niini na may unod nga identification cards of cellphone.
Naghilak og nakulbaan ang biktima dihang nagpatala sa presinto kabahin sa panghitabo.
Gikumpara sad karon sa kapolisan ang mga cctv footage sa patigayon ngadto sa rouge gallery sa kapolisan alang sa posibilidad nga mailhan ang mga suspetsado.
