Batang napalgan sa mananagat, patay

Davao City – Patay na nga napalgan ang usa ka bata human nakit-an sa usa ka mananagat alas 9:05 kaganinang buntag sa baybayon sa Sta. Catalina, Purok 7, Brgy. Lapu-Lapu, Agdao siyudad sa Davao.

Base sa imbestigasyon sa kapolisan sa Sta. Ana, sumala pa sa nakakita nga si Romie Abayon samtang padulong kini nga managat duna kini nadiskobrehan nga usa ka bata nga nag lutaw daplin sa baybay.

Sa gihimong imbestigasyon sa kapolisan nasayran nga usa ka batang babaye ang napalgan nga gibanabanaang nagpangidaron og pito ngadto sa walo ka bulan.


Ang patayng lawas sa bata gidala na sa Angel Funeral Home sa may F. Torres ning dakbayan samtang ang kapolisan naglusad na og follow up investigation aron maidentipika ug madakpan kung kinsa ang responsable sa maong panghitabo.

RadyoMan Don Pulayao

Facebook Comments