Nilagdaan ni Pangulong Ferdinand Marcos Jr. ang Republic Act No. 12288 o Career Progression System for Public School Teachers and School Leaders Act.
Sa ilalim ng batas, magkakaroon ng malinaw na sistema para sa promotion at dagdag sahod ng mga guro sa elementarya at high school batay sa kanilang performance at kwalipikasyon.
Layon nitong masiguro ang tuloy-tuloy na professional development, mas maraming oportunidad sa career growth, at mas malinaw na landas sa pagiging master teacher o school principal.
Inaatasan din ang Department of Budget and Management (DBM) na magbukas ng mga bagong posisyon para sa teacher, master teacher, at school principal upang mapalawak ang promotion opportunities.
Kasama ang Civil Service Commission (CSC), Department of Education (DepEd), at iba pang ahensya sa pagbuo ng qualification standards para sa lahat ng posisyon sa public school system.
