Davao City – Andam mosuporta ang Police Regional Office 11(PRO-XI) sa paglugway sa katungdanan ni PNP Chief General Ronald Bato dela Rosa isip hepe sa kapolisan sa nasud Pilipinas nga gikatakda nga moretiro karong bulan sa Abril human pamahayag ni pangulong Rodrigo Roa Duterte nga lugwayan pa ang iyang pagserbisyo sa katawhan.
Sumala ni PRO-XI spokesperson Police Chief Inspector Andrea dela Cerna nga all out support ang PRO-XI kun unsa ang desisyon ni Pres. Duterte Angay nga respetoon sanglit dunay katungod ang pangulo nga mupalugyay sa katungdanan subay sa balaud.
Gidugang ni dela Cerna nga kun si kinsa man ang ipuli ni Pres. Duterte kang Gen. Bato dela Rosa human nga moretiro, andam gihapon ug hugot sa pagsuporta ang PRO-XI diin dako ang ilang pagsalig sa pangulo sa pagpili sa usa ka taas nga opisyal nga maoy modumala sa tibuok Pilipinas isip hepe sa hanay sa kapolisan.
RadyoMaN Don Pulayao
