Roxas City, Capiz – Isa ka executive order ang ginpapanaog ni City Mayor Ronnie Dadivas nga nagabawal sa pagbutang sang ngalan ukon laragway sang government officials sa proyekto ukon propidad sang city government.
Partikular nga ginadumilian amo ang pagtapik sang pangalan sang mga “government officials”, elective man ukon appointive officials sang city government lakip na ang mga barangay officials.
Sakop man sang EO number 1 nga ginpapanaog sang alkalde amo ang mga “public works” nga ginpondohan sang gobyerno sang syudad, mga salakyan sang gobyerno kag mga “signages” sa diin nakapaskil ang logo, initials, nawong ukon pangalan sang isa ka government official.
Ang pagpaguha ni Mayor Ronnie Dadivas sang labing una sini nga executive order ang gin-base sa Memorandum Circular Number 2010- 101 sang Deparment of Interior and Local Government(DILG).
Samtang ginamanduan naman ang City Engineering Office sa pagmonitor sa implementasyon sang nasambitan nga direktiba.
(c)- Upod Kita Ronnie Dadivas FB Page
