Valenzuela City – Arestado ang 16 katao matapos salakayin ng mga pulis ang iligal na sabungan sa boundary ng Barangay Karuhatan at Malinta sa Valenzuela City.
Kanya-kanyang takbuhan ang mga sabungero kung saan nasakote ang ilang sa kanila na nakilalang sina Modesto Toledo, Mervin Roda, Leopoldo Padilla, Joey Arcilla, Romeo Samson, Roberto Felizardo, Chanel Zamora, Jose Pastera, Archie Lumio, Donald Gonzales, Randy Asister, Roberto Duzon, David Garamales, Jojo German, Jonathan Bilaos at Rico Arvaiz.
Isang tawag mula sa isang concerned citizen ang siyang nagsumbong sa tupada kung saan reklamo din nila ang sobrang ingay sa lugar lalo na kapag nagsisimula nang bitiwan ang mga panabong na manok.
Pinaghahanap naman ng mga pulis ang operator ng tupada at inaalam na din kung may connection ang mga ito sa barangay lalo na at malakas ang loob nila na magsagawa ng iligal na sugal.
