Bawas singil sa kuryente, asahan ngayong buwan – Meralco

53

Asahan na ang bahagyang bawas-singil ng kuryente ngayong buwan ng Setyembre.

Ayon kay Meralco Spokesperson Joe Zaldarriaga, bukas ay i-a-anunsiyo nila ang September rates.

Sakaling bumaba, ito na ang ikalimang buwang may tuluy-tuloy na bawas-singil ang Meralco.

Kasabay nito, tiniyak ni Energy Regulatory Commission (ERC) Commissioner Rexie Baldo-Digal na itutuloy nila ang pag-audit sa Meralco matapos tumanggi ang Commission on Audit (COA).

Matatandaang Hulyo nang humingi ng tulong ang ERC sa COA na i-audit ang mga refund ng Meralco, na umaabot ng lagpas ₱60 bilyon.

Halos ₱20 bilyon pa ang kailangang i-refund ng Meralco sa mga kostumer na iniutos ng korte.

Facebook Comments