Ginpat-od sang gobyerno nga daku ang mangin bulig sang 6 billion pesos nga bayad utang sang Philippine Airlines sa gobyerno para sa mga nagapanguna sini nga proyekto.
Suno kay Communications Secretary Martin Andanar nga sigurado nga magamit ang nasambit nga kantidad para sa priority projects sang Duterte administration bangud halin man sa tax sang mga Pilipino ang nasambit nga kuwarta.
Pila pa sa mahimo kadtuan sang ginbayad sang PAL ang mga proyekto nga makabenepisyo ang mga pigado nga mga pumuluyo lakip na ang dugang nga allowance sa mga suldado kag mga pulis.
Madumduman nga ang 6 billion pesos nga utang sang PAL ang naghalin sa mga wala sini mabayaran nga tax dues humalin sang 1970 kon sa diin sang damlag lang nagpaandam si Pangulong Rodrigo Duterte nga ipasira niya ang kumpaniya kon indi sini matuman ang ila responsibilidad.
(photo from web)
