Gipanghimakak sa Bagong Alyansang Makabayan sa Central Visayas nga nakigkonsabo kini sa New Peoples Army aron tay-ogon ang kasamtangan nga administrasyon .
Ang chairman sa BAYAN sa rehiyon nga si Jaime Paglinawan namahayag niini human sa pahayag ni Presidente Rodrigo Duterte nga ilhon niini ang New People`s Army (NPA) nga teroristang grupo apil na ang giingong kakonsabo niini nga militanteng grupo nga mao ang BAYAN.
Matud ni Paglinawan ang ilang mga pagsupak batok sa mga palisiya sa gobyerno ilabi na ang pagpakigsood niini sa Amerika ilang gipaagi sa malinawon nga mga lihok protesta.
Ang grupong BAYAN nagplano sa paglusad ug subsob nga protesta uban sa laing mga militanteng grupo aron kondenahon ang maong pahayag ni Duterte.
Facebook Comments
