Davao City – Nasagmuyo ang progresibong sektor sa migawas nga taho diin wala nay ihatag nga financial assistance ang DSWD sa mga katawhan nga apektado sa lockdown ubos sa general community quarantine.
Sumala ni Cong. Teddy Casino sa Bayan Muna partylist representative nga dili makatarunganon nga hunungon sa gobyerno ang ayudang financial tungod kay kulang pa gani ang ayuda sa alang sa katawhan unya undangon na hinuon.
Matud ni casino nga dili angay nga putlon sa dswd ang ayudang pinansyal tungod kay sa GCQ katunga ra gihapon sa sektor sa mga mamumuo ang makabalik sa ilang trabaho samtang ang uban wala nay balikan nga trabaho tungod kay mulahos na ug panira ang ilang mga kompanya gumikan sa pagka alakanse sa dugay nga walay operasyon.
“Unang una labag sa batas yan kasi malinaw doon sa Bayanihan to Heal as One Act na dalawang tranche ang ibibigay sa mga apektado sa COVID-19 na anywhere from P5,000 to P8,000. So two months ang nasa batas may budget P200B ang ginastos ng pamahalaan diyan. Kung ano ang nasa batas dapat sundin nalang yon. Marami sa mga kababayan natin ang di nakatanggap sa 1st tranche kung may natanggap man sila napakaliit then napaka late dumating. So lahat talaga umaasa dyan sa 2nd tranche.” segun ni Casino.
Gidugang ni Rep Casino nga angay panukaran sa kagamhanan ang gibati nga kalisud sa mayoriya sa katawhang Pilipino busa walay rason nga magdinaginot ang gobyerno kun masakripisyo ang kahimtang sa mga batakang panginahanglan sa publiko.
RadyoMaN Erin Lumosbog
