Matud ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), sa maong 3-day campaign, sama sa Bayanihan Bakunahan 1, 2 ug 3, ablihan ang tanang vaccination hubs sa dakbayan.
Gawas sa 12-17 years old, lakip usab nga i-cater sa Bayanihan, Bakunahan 4 ang adult population via walk-in nga nanginahanglan sa ilang second doses, missed doses, o booster shots.
“We will be opening all our vaccination hubs. This time naman, ang atong pinaka inclusive population, atong inclusion population would be the 12 year old and above,” sulti ni Schlosser.
Paningkamutan sa Davao City COVID-19 TF nga mapatas-an ang ihap sa mahatagan og booster doses sa tanang kategorya sa adults ug pediatric population nga 12 anyos pataas.
Gisiguro usab sa health official, adunay igong supply sa bakuna ang Local Government Unit (LGU) Davao alang sa 12-17 years old ug adult population diin kini available sa tanang operational vaccination sites sa syudad sa Davao.
RadyoMaN Kirby Manzon
