Nag-upod ang Punong Barangay sang Brgy. Alijis sa DYHB Team sa sa paghatag sang food packs sa mga napili ng mga residente nga mas nagakinahanglan sang daku nga bulig.
Sa pagpanagtag sang food packs sang Bayanihan Team sa mga benepisyaryo, gindugangan man ini ni Punong Barangay Deogracias “Donny” Dela Vega sang iya kaugalingon nga pinutos.
Bangud sini, doble nga pinutos sang bugas, noodles kag sardinas ang nabaton sang mga benipisyaryo Bayanihan sa number one wala labot sa kape, kalamay, uga kag CL Pito-Pito.
Ang Bayanihan sa Number 1 proyekto sang DYHB RMN Bacolod kabahin sang serbisyo publiko sa mga pumuluyo nga lubos naapektuhan sang krisis sa coronavirus disease partikular ang mga pamilya nga wala nakabaton sang SAP grant sang gobierno kag indi man 4Ps beneficiaries.
[image: image.png]
