BAYBAY CITY, LEYTE – Gindeklara na han Philippine Drug Enforcement Agency (PDEA) ngan Philippine National Police (PNP) an Baybay City, Leyte kumo drug cleared City.
79 nga drug-affected barangay an gin-clear ha illegal nga droga ini an ginpamatud-an han Anti-narcotics Agency ngan PNP.
Sumala kan PNP Regional Director PCSupt. Gilbert Cruz, kinahanglan mamentinar ini han mga gintutuinan para magin mahimyang iton ira komunidad.
Nagmando gihapon hi Cruz ha mga local officials nga buligan adton mga drug surenderee nga bag-uhon an ira kinabuhi.
Sumala naman kan PDERA-8 Regional Director Edgar Jubay, mag-focus iton mga local officials ha responsibilidad ha ira barangay, bungto o syudad ngan mas pakusgon an kampanya kontra illegal nga droga.
Ini na an ika-13 nga Local Government ha probinsya han Leyte nga nadeklara nga drug cleared.
Ha Baybay, 2,252 nga drug surrenderers, 238 dinhi an na-categorized nga low risk, 268 naman an moderate ngan 98 an risk nga kinahanglan han rehabilitation.
