Davao City- Nagpatabang sa kapolisan sa Sta.Ana ang usa ka bayot human gikawatan og gikulata sa lalaki nga iyang gika-sex kay wala matagbaw.
Biktima giila nga si alyas Rommel, 32 anyos ug nagpuyo sa Barangay Centro, Agdao syudad sa Davao, samtang ang suspek mao si alyas Menesis, 20 anyos, ulitawo nagpuyo sa Sitio Bakal, Barangay Leon Garcia, Agdao syudad sa Davao.
Sumala sa rekord sa kapolisan alas 1:00 ang takna sa kadlawon nagkasinabot ang duha diha sa Bajada syudad sa Davao nga mag-male to male sex ug pagkahuman nasuko ang suspek tungod kay wala matagbaw hinungdan gisumbag sa kuto-kuto ug gikuha ang cellphone sa biktima dayon dagan padulong sa Torres Street,
Nagpakitabang ang biktima sa mga tawo sa palibot ug daling nadakpan ang suspek ug giendosar sa kapolisan.
Narekober gikan sa suspek ang cellphone nga gipanag-iyahan sa biktima ug kasamtangang gipriso kini sa Sta.Ana Police Station.
Kasamang Paul Canono
