Davao City- Giendorso sa Talomo Police Precinct ang taxi driver ug iyang pasaherong nagpailang sundalo nga mikumot sa iyang kinatawo.
Sa imbestigasyon sa Talomo PNP, nagreklamo ang taxi driver nga mao si Fritz Tolomoro, 31 anyos tungod nasakyan ug pasaherong hubog gikan sa usa ka resto bar sa Bajada ug nagpahatud sa Barangay Ma-a.
Nakalitan ang taxi driver sa dihang pag abot sa address sa pasahero kalit lamang gitangtang sa hubog ang iyang bakus dayong abli sa zipper samtang ang mga kamot nag ugay ugay sa kinatawo.
Nisamot ang kalisang sa taxi driver kay giapil ug kaplog sa hubog ang iyang kinatawo dayong kumot sa iyang dughan rason sa iyang pag ambak sa gimanehong taxi.
Naagian sa nagpatrolyang kapulisan nga nagwara wara ang taxi driver hinungdan nga gidala ang duha sa Talomo PNP aron maimbestigahan.
Pag abot sa presinto nakita pa sa mga pulis nga abli ang pundiyo sa pantalon sa dinakpan ug dayon nagpaila ang hubog nga usa ka sundalo ug amigo kuno silang Tulfo dayong singka sa desk officer.
Tungod sa pagmaoy gipaslak una sa selda ang pasaherong hubog nga mao si Physillis Manalo, 25 anyos, ug usa ka supervisor nga taga Sto.Niño Barangay Ma-a Davao City.
Unjust vexation ug disobedience ang atubangon nga asunto sa dinakpan.
Kasamang Erin Lumosbog
