Pagasugdan na ang construction sang dugang nga mga building sa Bacolod City College.
Kahapon, ginpatigayon ang groundbreaking sa BCC site nga gintambungan sang mga opisyales sang syudad kag opisyales man sang Development Bank of the Philippines.
Ginpatigayon man kahapon ang ceremonial signing sang 1.7 billion pesos nga loan sang syudad sang Bacolod sa DBP.
Nahibalu-an nga ang development sang BCC ang may budget nga kapin sa 350 million pesos ang kuha-on naman sa loan.
Suno kay Bacolod Mayor Bing Leonardia nga kumpleto na ang papeles sang BCC project sa diin pwede na kasugod ang construction.
Maga-release man ang DBP sang mobilization fund nga kapin sa 52 million pesos sa winning contractor nga ESJ and Sons, bilang inisyal nga budget para sa BCC Expansion.
Nahibalu-an nga lakip sa iga-construct ang IT building, activity center kag renovation sang main building.
Maga-himo man sang dugang nga mga dalan sa sulod sang BCC kag covered pathways.
