Sa interview sa DXDC RMN Davao kang Police Captain Ahlandee Pacultad, Officer-in-Charge sa Cateel Municipal Police Station, iyang giila ang driver sa truck nga si Ian Chavez, 31 anyos nga taga Tagum City, Davao del Norte ug aduna kini kuyog nga helper nga lalaki.
Saysay sa pulis nga gikan Tagum City padulong Cateel ang delivery truck nga dunay kargang kapin 1,500 cases sa beer ug pag-abot sa maong lugar, nawad-an kini’g kontrol rason sa pagkahulog sa gatusan ka kahon sa ilimnon.
“Mura’g na-lose control sya kay pag-approach niya sa sakaon (nga karsada), mura’g wala nisulod ang iyang kambyada. Mura’g nabigla og atras. Mao ‘to nangaputol ‘tong kable nga panghigot sa mga kahon,” saysay sa pulis.
Wala ra usab natumba ang sakyanan ug luwas ra ang driver ug helper. Adunay mga tawo nga misulay pagkuha sa mga nahulog nga beer apan narespondehan ra usab kini dayon sa otoridad.
RadyoMaN Kirby Manzon
