Davao City – Nag-warning karon ang usaka leading academician dinhi sa dakbayan sa Davao kontra sa posibleng pag-usab sa narrative kun istorya sa kasaysayan sa atong nasud pinaagi sa bag-ong bersyon sa mga ‘dramatis personae.’
Sa programang ‘Straight to the Point,’ gisugilon ni Prof. Ramon Beleno III sa Department of Political Science and History sa premier Ateneo de Davao University (ADDU) nga may igong rason nga mabalaka kita sa mga bag-ong twists, paglubag kun rumbo sa mga sugilanon sa atong kasaysayan sama sa nahitabo niadtong dekada 70 ug 80 sama sa martial law declaration.
Bisperas sa 46th martial law declaration anniversary, nahimong kontrobersyal ang one-on-one discussion tali nila ni presidential son ug former Sen. Ferdinand ‘Bongbong’ Marcos, Jr. ug kanhi Defense Minister Juan Ponce Enrile sa dihang ilang gi-claim nga walay nahitabong paglapas sa tawhanong katungod niadtong kapanahunan sa balaud-militar.
Matud ni Beleno, cuidaw kita matag higayon nga rebisahon nato ang atong history sanglit ang bersyon sa atong hiniusang kasinatian angay naka-angkla lamang diha sa kamatuoran ug dili sa opinyon or perception ni bisan kinsa.
Si Beleno nagpasidaan nga kinahanglang isulat ang usaka episode sa kasaysayan ubos sa mas komprehensibong konteksto ug dili kay mo-focus lamang kita diha sa usaka isolated nga panghitabo gamit ang limitadong perspektibo sama sa martial law ilabi na kun dili nato ilakip ang lawom nga istorya sa EDSA people power revolt niadtong higayona.
“Yung problema sa libro (revisions) is that napakalawak ng coverage ng Philippine history at kung magfo-focus lang tayo sa martial law ay hindi tayo makakabot sa EDSA revolution, kaya minsan sini-simplify na lang ng mga teachers na ‘it happened’ pero hindi detalyado kung ilan yung namatay at ilan yung nawawala,” panapos sa political analyst.
Kahinumdoman nga nisilaob pag-usab ang diskusyon sa martial law sa dihang gi-alegar ni Enrile nga may igong rason si kanhi Pres. Ferdinand Marcos nga mopatuman sa balaud-militar sanglit niadtong panahona, nasagap nila ang inpormasyon nga posible ang power grab pinaagi sa panaghiusa sa pwersa sa Liberal Party (LP) uban ang Communist Party of the Philippines (CPP) aron taktakon sa lingkuranan ang kanhi diktador.
Apan matud pa sa mga ‘students of history,’ walay kasaysayan nga hingpit sa iyang pagka-siya sanglit nanginahanglan kini ug perpetual revisions bunga sa paglutaw sa mga bag-ong inpormasyon, datos o materyales nga maghatag ug bag-ong kalamdagan sa atong nasudnong istorya.
RadyoMaN June Duterte
